اثبتت عده دراسات ان الذي يتعرض للاغتصاب والتحرش الجنسي في صغره يصبح منحرف ويتحرش باللي حوله ويسوي فيهم مثل اللي سواه فيه الاشخاص اللي تحرشابه.
لكن انا ما كنت كذا كنت عاديه تصرفاتي ماكان فيها اي شي يدل عالشذوذ طبعا هالشي كان في المرحله المتوسطه كنت هاديه جدا ماتكلم ما اضحك ولاشي هاديه لابعد الحدود لكن يوم وصلت للمرحله الثانويه انقلبت حياتي !!
لازلت على طبيعتي هاديه لكن صرت انظر للبنات اللي حولي نظره ثانيه راح اكتب قصتي مع حبي الاول مع بنت في بوست جديد لكن الحين اكتب كيف وقعت بهالشي
ما كان عندي صديقات مقربات الا ماكان عندي صديقات ابد لاني ماكنت احب اختلط مع البنات حاوت بس ماقدرت وانا طبعي وحده خجوله جدا اذا حبيت وحده مستحيل اروح عندها واقولها هالشي والله بموت من الخوف قدامها
ماكنت اعرف شي عن الشذوذ وماكنت اعرف ان البنات ممكن يحبون بعض وكمان الاولاد فجاءه حبيت وحده بس ماعترفتلها طبعا وماكنت احط عيني في عينها من الخجل اللي فيني
المهم بحث عن هذا الشي في المنتديات المواقع وعرفت ان هذا شذوذ وعرفت اني (مثليه جنسيه)
كتبت في منتدى عن المثليين الجنسيين وكتبت موضوع اني احب وحده في مدرستي قاموا كلهم ردوا علي وطاحو فيني سب ووعيد الغضب من الله ويقوليي يا شاذه يا منحرفه وفجاه لقيت حسابي موقوف!!
ووقتها عرفت كيف ان المجتمع مايتقبلنا ويتمنى زوالنا بعد
وهنا تبدا معاناتي معاناه مثليه في مجتمع محافظ ..!
